Lalaki, nagbekkel

SANTA, Ilocos Sur – Awanen ti biag ti maysa a lalaki idi maidanon iti ospital kalpasan a naduktalan a nakabitin iti uneg ti pagtaenganna iti Barangay Quezon District ditoy nga ili idi malem ti Disiembre 28.

Nainaganan ti nagbekkel a ni Reynaldo Dameg y Asia, 41, naasawaan, ken residente iti nadakamat a barangay.

Segun iti report, idi agarup 4:30 ti malem ti nasao a petsa, napan ni Danica Bringas y Dameg, ipag ti biktima, ken residente iti Barangay Magsaysay District iti balay ni Dameg ket naduktalanna laengen a nakabitin daytoy iti nylon a naipulipol iti tengngedna.

Sakbay ti insidente, mapapati a simrek ni Dameg iti balayna sana inserra ti ridaw ken bintana.

Naammuan iti doktor a nangtaming ken ni Dameg a nakainom daytoy.

Madama ti inbestigasion no apay a nagbekkel ti biktima.#