Lalaki, nagdigos iti bubon, nalmes

SAN VICENTE, Ilocos Sur – Nasarakan ti maysa a lalaki a tumtumpaw iti uneg ti bubon sadiay Barangay Bantaoay, ditoy nga ili idi malem ti Nobiembre 8.

Awanen ti biag ni Vicente Racca y Rocero, 25, baro, ken residente iti nadakamat a barangay idi maiyaon dagiti polis iti bubon.

Segun ken ni Dr. Amado Viesta, Jr, municipal health officer, awan ti pakakitaan a sugat ti biktima tapno masuspetsa a biktima iti foul play ket pannakalmes ti puon ti nakatayanna.

Mapapati a napan nagdigos ti biktima iti bubon nupay saanna nga ammo ti aglangoy kas maibatay dagiti lupotna a nasarakan iti asideg ti bubon.

Mapapati a mentally retarded ti biktima.#