Lalaki, nagkalap iti fishpond a dina kukua

SANTA, Ilocos Sur – Napan nagkalap iti lames daytoy a lalaki iti fishpond a dina kukua. Resulta, naireport iti polis a nagtakaw iti lames a posible a pakaidarumanna.

Nagpulong iti polis ni Edgar Tejada y Saraos, 58, naasawaan, ken residente iti Barangay Basug, Santa, Ilocos Sur, a limed a nagbanniit ti maysa a Ronnie Cortez, residente iti Barangay Sacuyya Norte, iti pamupokanna iti ikan a masarakan iti Barangay Sacuyya Sur.

Segun pay ken ni Tejada, naputed ti interlink nga alad ti fishpond ken nakasarak kadagiti improvised a pagbanniit a masuspetsa nga inusar ti suspek.

Iti follow-up investigation dagiti polis, inannugot ni Cortez a nagbanniit iti piskeria ni Tejada.#