Lalaki, naikanal gapu iti pusa

SAN ESTEBAN, Ilocos Sur – Pusa ti nakaigapuan ti pannaikanal ti lugan ti maysa a lalaki a residente iti Villa Quirino, ditoy nga ili.

Segun iti report, agdaldaliasat iti barangay ni Roumie Cabasal, 21, residente iti nadakamat a barangay a nakalugan iti motorsiklona idi kellaat a limmabas ti maysa a pusa.

Nakigtot ni Cabasal ket napukawna ti kontrolna iti motorsiklo ket natinnag iti kanal a puon ti nagsagrapanna iti garumiad iti nadumaduma a paset ti bagina.#