Lalaki, naiwalang iti irigasion

STA. MARIA, Ilocos Sur – Maysa a bangkay ti lalaki ti nasarakan iti irigasion sadiay┬á Barangay Butir ditoy nga ili idi Hulio 4.

Nasarakan idi agarup 3:45 ti malem ti nadakamat nga aldaw ti bangkay ni Audie Formoso, 37, ken residente iti Barangay Mabilbila Norte, Santa, Ilocos Sur iti irrigation canal a sakup ti Barangay Butir, Sta. Maria.

Nabigbig ti biktima babaen ti misisna.

Nagsagrap ti biktima iti sugat iti teltel, bakrang ken barukongna a gapuanan ti paltog.

Mapapati a cal. 45 ti naaramat iti pammapatay kas maibatay iti buli a nasarakan dagiti inbestigador iti diaket ti biktima.

Iti pannakaisurat daytoy, di pay ammo ti motibo ti pammapatay ken ti kinaasino dagiti pimmatay ken ni Formoso.#