Footer

Lalaki, nakasuan gapu’t panagikutna iti armas

VIGAN CITY – Napilaan iti kaso a panagikut iti makapatay nga armas ti maysa a lalaki a naglabsing iti trapiko ditoy a siudad idi Agosto 25, 2010.

Napilaan iti city prosecutor’s office ni Efren Cortez y Piga, 44, naasawaan, residente iti An-annam, Bantay, Ilocos Sur.

Segun iti report, nakita da SPO2 Fernando Casingal ken Traffic Aide Jessie Pascua ni Cortez, a nakalugan iti owner type jeep a simrek iti one-way a kalsada iti sango ti city hall ket pinakdaaranda da Richard Asper, traffic aide, ken PO3 Joseph Rivad ket pinasardeng dagitoy ni Cortez sada tiniketan.

Mapapati nga inruar ti suspek ti samurai nga inlemmengna iti sirok ti tugaw ti drayber ngem naagaw dagiti traffic  aides. Sabali pay a jungle bolo ti nakita ni Rivad iti uneg ti lugan.#