Footer

Lalaki, nakasuan gapu panagikutna makapatay nga armas

STA. CATALINA, Ilocos Sur – Nakasuan ti maysa a lalaki kalpasan a nakasamsam ti polis iti ikutna iti imuko idi malem ti Oktubre 18 iti Sitio Namnama, Barangay Tamurong, ditoy nga ili.

Nagresponde dagiti polis ditoy kalpasan a nakaawatda iti report  ti maysa a bumarangay nga adda nakitana a dumukdukol nga armas iti siket ni Fernando Rualizo y Ferdinand, 44, naasawaan, residente met laeng iti nadakamat a lugar.

Kinapkapan dagiti polis ni Rualizo ket nakasamsamda iti Rambo knife iti ikut daytoy.

Naipilan ti kaso a panaglabsing iti Comelec Resolution No. 9065 mainaig iti Sec. 32 ti RA 7166 maikontra ken ni Rualizo.#