Lalaki, nakasuan panaglabsing PD 1866

STA. CRUZ, Ilocos Sur – Naipilaan iti kaso a panagsalungasing iti PD 1866 as amended by RA 8294 ti maysa a lalaki kalpasan ti pannakasukisok ti pagtaenganna iti Barangay Bacsayan ditoy nga ili idi Oktubre 23.

Sinukisok dagiti nagtipon nga elemento ti CIDG Ilocos Sur ken polis ditoy ti pagtaengan ni Reynante Jaramilla y Jaramilla iti nadakamat a barangay ket nakakumpiskada iti 101 a balbala ti cal. 7.62 mm, 1 long magazine para iti carbine rifle, 2 short magazine para carbine rifle ken 2 a magasin para M14 rifle.

Indauluan ni PCI Villaflor S. Bannawagan ti panagsukisok babaen ti bileg ti search warrat  nga inyisio ni Judge Francisco Ante ti MTC, Vigan City.

Naipila ti kaso iti provincial prosecutors’ office, Vigan City iti babaen ti docket NPS No. 1-03-1NV -10J-00462.#