Lalaki, nanabtuog iti buy bust operation

GALIMUYOD, Ilocos Sur – Inaresto dagiti nagtipon nga elemento ti kapolisan ti maysa a drug pusher kalpasan a nagpositibo ti buy bust operation nga insayangkatda sadiay Barangay Poblacion, ditoy nga ili idi rabii ti Oktubre 16.

Apaman nga inyawat ni Apollon Gadingan y Galangco, 26, naasawaan ken residente iti Brgy Sacang, Galimuyod, Ilocos Sur, ti maysa a heat sealed plastic sachet a mapapati a naglaon iti shabu a binungon ti dua a nakuppil nga aluminum foil iti poseur-buyer, inaresto a dagus dagiti polis ti suspek.

Nakakumpiska dagiti polis iti ikut ni Gadingan iti maysa a plastic sachet a naglaon iti mapapati a shabu ken maysa a selpon a mapapati a naaramat iti transaksion. Nakumpiska pay ti P500.00 a naaramat a buy bust money.

Naipan iti Ilocos Sur crime laboratory dagiti nakumpiska para iti pannakaamirisda.#