STO. DOMINGO, Ilocos Sur – Patraidor a pinaltogan ti maysa a lalaki ti maysa a mannalon iti maysa a natayan iti Barangay Calautit ditoy nga ili idi rabii ti Agosto 14.
Segun iti report, madama nga agtoktokar ni Orlando Tolbe y Quepo, 43, mannalon, miembro ti Robinol Orchestra Band, bayat ti massayag ti maysa a a kalugaranda idi mapapati a nagpuesto ti suspek ken maysa a kumplotna iti likudanna sana pinaltogan ti biktima a nakatamaan ti ulo daytoy.
Naglibas dagiti di nabigbig a suspek kalpasan ti pammaltog.
Nakarekobre dagiti polis iti 6 a kapsula a nagtaud iti cal. 45 iti nakapasamakan ti pammaltog.
Di pay ammo ti motibo ti pammaltog.#