CANDON CITY – Natay ti maysa a lalaki iti katengngaan ti aldaw idi pinaltogan ti saan a nabigbig a suspetsa iti barangay San Antonio ditoy.

Nabigbig ti biktima a ni Lucino Gamoso, 50, residente iti Bagar, Candon City.

Naammuan iti imbestigasion ti polis nga agtugtugaw ti biktima iti counter chair ti Kims Carinderia agraman dagiti dadduma pay a kakadduana nga agiinom idi adda nanalbuong nga uni ti paltog a kasaruno metten ti pannakatuang ti biktima nga agpuspusisit ti dara iti ulona.

Saan a nabigbig ti masuspetsa a naglibas kalpasan ti pammaltog.

Naideklara a dead on arrival ti biktima iti Saint Martin de Porres Hospital a nakaitarayanna.

Maysa a holster ti nasarakan, 10 a metro manipud iti crime scene. Agtultuloy ti imbestigasion dagiti polisia.