Footer

Lalaki, napunggos, nakasaan iti paltog

NAGBUKEL, Ilocos Sur – Saan laeng a napunggos daytoy a biktima, naideppel pay ti paltog iti ulona bayat ti panaginomda sadiay Poblacion East, ditoy nga ili idi rabii ti Pebrero 26.

Segun iti report, aggiinom da Felmark Amingay Carsola, 22, naasawaan, ken residente iti Barangay Mapisi, Nagbukel ken ti kalugaranna a nainaganan Arizz Leonen y Cabang, 21, baro, iti sango ti maysa a sari-sari store iti tiendaan publiko idi agarup 9:40 ti rabii ti Pebrero 25 idi mapasamak ti insidente.

Mapapati a kellaat a nagparang ti suspek a nakaiggem iti cal. 38 pistol, pinunggosna ti kuelo ti t-shirt ni Amingay, sana impaturong ti nakakasa a paltogna iti ulo daytoy iti sumurok-kumurang tallo minutos.
Kalpasanna, nagtaray ti suspek iti saan nga ammo a direksion.

Nagresponde dagiti polis ket sinapulda ti suspek a nagtungpal iti pannakaarestona.

Saan a narekobre dagiti polis ti paltog ti suspek.#