Lalaki, nasarakan a nakabitin iti kayo

STA. CRUZ, Ilocos Sur – Problema iti pamilia ti maitud-tudo a nakagapu iti panag-bekkel ti maysa a residente iti Barangay Sagat ditoy nga ili idi malem ti Marso 18.

Nasarakan ti maysa a mangayo ni Marvin Javillonar y Reyes, 25, naasawaan ken residente iti nadakamat a barangay, a nakabitin babaen iti nylon cord iti madre de cacao idi agarup 3:35 ti malem ti nadakamat a petsa.

Iti inisial nga inbestigasion dagiti polis, pimmanaw ni Javillonar iti balayda idi agsapa ti Marso 13 ket saanen a nagsubli pay.

Segun iti ama ti biktima a ni Amador Javillonar, nagsina da Marvin ken ti asawana a ni Mary Jane Madelo idi Enero ken 2012 ket innala ti baketna dagiti tallo nga annakda.

Impalgak ti ama nga di maikadua a lawas ti Enero, pinanggep ni Marvin a kettelen ti biagna babaen ti panang-gerretna iti makannigid a pungupunguanna ket idi pinaamirisda iti maysa a psychiatrist ket na-diagnose nga agsagsa-gaba iti depression.

Kinuna ni Amador nga inawatdan a kinettel ti anakna ti biagna ken awan ti naaramid a foul play iti pannakatayna.#