Footer

Lalaki, natiliw gapu iti panagpaputokna

BANTAY, Ilocos Sur – Tiniliw dagiti polis ti maysa a residente ti Barangay Kimmarayan ditoy gapu iti panagpaputokna iti paltog.
Inaresto dagiti nagresponde a polis ni Guillermo Laurente, residente iti nasao a barangay, ket naipupok iti police station gapu iti panagpaputokna iti paltog iti plasa ti barangay a mapapati a nakaalarmaan dagiti kalugaranna.
Nakumpiska iti ikut ti suspetsa ti gauge 12 a paltog a mapapati nga inaramatna a nagpaputok.
Nakarekobre pay dagiti polis iti dua a kapsula iti plasa ti barangay.
Mapapati a nabartek ni Laurente idi nagpaputok.#