Lalaki, natiliwan iti shabu, paltog

VIGAN CITY – Sabali manen a lalaki ti natiliwan bayat ti mapapati a panaglakona iti maiparparit a droga ditoy itay nabiit.

Tiniliw ti polis alert team ditoy ni Cipriano Tumbaga, 20, baro, residente iti Barangay 4 ditoy ket nakumpiska iti ikutna ti maysa a plastic sachet a naglaon iti agdagsen iti .1 gram a mapapati a shabu.

Nagresponde dagiti polis kalpasan a nakaawatda iti tip manipud iti maysa a civilian asset nga aglaklako ni Tumbaga iti shabu.

Iti pannakaisurat daytoy, maisagsaganan ti kaso maikontra ken ni Tumbaga.#