Lalaki, natuangan ti silag

NARVACAN, Ilocos Sur Maysa a lalaki ti naiyospital gapu iti panagtupak ti napuri a silag iti kusinada bayat ti panangsanot ni Bagyo Pepeng iti probinsia itay Oktubre 8.

Adda ita ni Ronaldo de Guzman, 50, residente ti Kinarayan, ditoy nga ili iti intensive care unit kalpasan ti innem nga oras nga operasion nga insayangkat dagiti doktor iti sugatna iti ulo.

Segun iti report, daldalusan ni de Guzman ti lutuenna a manok iti kusina iti alas 11:00 ti aldaw idi Oktubre 8 idi nagrissud ti puon ti nyog iti kusina a nakatukkolan ti kayo a nakaikaptan ti sim ket daytoy ti nangsalapon kenkuana.

Intaray ti pamiliana ti biktima iti Metro Vigan Cooperative Hospital para iti pannakaoperarna.#