Lalaki nga adda kasona iti korte, simmuko

NARVACAN, Ilocos Sur – Boluntario a simmuko iti korte ti maysa a baro a sumangsango iti korte ditoy nga ili idi malem ti Septiembre 3.

Boluntario a simmuko ni Benjamin Barbero y Tabaday, 26, residente iti Barangay Daoidao, San Juan, Abra, iti Narvacan police station iti sanguanan ti panangiyisio ni Judge Geraldine B. Ramos iti 4th MCTC, 1st Judicial Region, Narvacan, Ilocos Sur iti warrant of arrest gapu iti sangsanguenna a kaso iti korte.

Nakasuan ni Barbero iti kaso a reckless imprudence resulting in homicide and damage to property ket nai-docket ti kaso iti babaen ti Criminal Case No. 5394-N ken nairekomenda nga agpiansa iti P30,000.00.

Naikustodia ni Barbero iti police station ti Narvacan para iti dokumentasion ken umisu a disposision.#