Lalaki nga immarayat, napaltogan, natay

BANTAY, Ilocos Sur – Napan immarayat iti kaarrubana ket biagna ti naibuis.

Saanen a naidanon ti biag ni Zaldy de Vera, 19, baro, residente iti Buquig ditoy nga ili gapu iti sugatna iti nadumaduma a paset ti bagina a gapuanan ti pannakapaltogna.

Nabigbig ti nangpaltog kenkuana a ni Ronaldo de Peralta, 47, balo, agnaed met laeng iti nadakamat a barangay.

Naammuan iti report a nagpatulong dagiti agassawa a Jose ken Maricris Paculan ken ni de Vera gapu iti pannakaubor iti balayda.

Kinamat ni de Vera ti suspetsa ngem pinaltogan daytoy.

Nakarekobre dagiti polis iti brown bag, sinelas ken kallugong a mapapati a nabati ti suspetsa.#