Lalaki, pinaltogan ti ulitegna

VIGAN CITY – Maysa a lalaki ti napaltogan bayat ti ipapanna igagatang iti yelo iti Barangay VI ditoy siudad iti alas otso y media ti rabii ti Hulio 29.

Naitaray iti ospital ni Jaris Milan, 23, naasawaan, residente iti Barangay VI ditoy iti Lahoz Clinic and Hospital tapno maagasan ti sugatna.

Segun iti report, idi makabatog ni Milan iti pagtaktakderan ti suspetsa a nainaganan Samuel Belvis, uliteg ti biktima, mapapati a pinaltogan daytoy.

Nakasarak dagiti inbestigador kadagiti lima kapsula a naggapu iti cal. 45 iti nakapasamakan iti pammaltog.

Iti pannakaisurat daytoy, di pay nabirokan dagiti polis ti suspetsa.#