Lalaki, pinaltoganna ti ulona iti sanguanan ti kalib-inna

NARVACAN, Ilocos Sur – Saan pay nga ammo dagiti polis ditoy no ania ti motibo ti panangpatay ti maysa a lalaki iti bagina iti pay met sanguanan ti kalib-inna idi rabii ti Agosto 15.

Iti inisial a panagimbestiga dagiti nagresponde a polis, naammuan a sakbay ti insidente, nakaiggem iti paltog ni Edgar de Peralta y Pacioles, 47, baro, ken residente iti nadakamat a barangay ket mapapati a pinaturonganna ti kalib-inna a ni Patricia Busini y Dominguez, 47, sana impaturong ti paltog iti kanawan a pispisna ket kinalbitna ti gatilio.

Naitaray ni de Peralta iti Ilocos Sur District Hospital ditoy nga ili para iti pannakataming ti sugatna.

Nakarekobre dagiti polis iti maysa a cal. 45 pistol a nagmarka iti Armscor ken addaan iti magazine assembly a nagkarga iti maysa a bala, maysa a kapsula ken maysa deformed a buli.

Madama ti inbestigasion iti nasao nga insidente.#