Lalaki, tinagbat ti kabsatna

SAN FERNANDO CITY – Maysa a lalaki ti natagbat babaen ti kabsatna gapu iti saanda a panagkinnaawatan  sadiay Barangay Canaoay, ditoy siudad idi Hunio 9.

Natagbat ni Arnold Flores, 44, residente iti Barangay San Vicente ditoy siudad babaen a mismo iti kabsatna a ni Julius Flores kabayatan ti panaggiinomda  iti nadakamat a barangay idi Hunio 9.

Segun iti report, naaddaan dagiti agkabsat iti nabara a diskusion bayat ti drinking sessionda ken dagiti dadduma pay a gagayyemda  ket naparnuay ti panagsusikda a puon ti panangtagbat ni Julius ken ni Arnold.

Nagsagrap ti biktima iti sugat iti kannawan a takiag ken sikona ket naitaray para iti pannakaagasna iti Ilocos Training Medical Center, ditoy siudad.

Naikustodia ti suspek iti police station ditoy.#