Footer

Lalaki, tinagbat ti kasinsinna

CANDON CITY – Tinagbat ti maysa a lalaki ti kasinsinna gapu iti saanda a panagkinnaawatan bayat ti panaginumda iti barangay Darapidap ditoy.

Nabigbig ti biktima a ni Arnold Manzano, baro, idinto a nainaganan ti suspetsa a ni Romer Manzano, baro, agpadada a residente iti nadakamat a barangay.

Naammuan iti inbestigasion dagiti polis a madama nga agiinom dagiti dua idi naaddaanda iti saan a panagkinnaawatan a nagtungpal iti panagdinnanogda.

Nagawid ti biktima ngem nagsubli daytoy nga addan awitna a buneng. Naagaw ti suspetsa ket daytoy ti intagbatna iti rupa ti biktima.#