Lallaki, nasalamaan agsusugal, 1 natiliw

CANDON CITY – Saan a nakalusot ti maysa a lalaki idi kinamat ida dagiti polis a nakasukal kadakuada nga agsusugal iti sanguanan ti Pinatudo Trading sadiay Barangay San Jose ditoy a siudad idi malem ti Marso 25.

Nabigbig ti suspek a ni Christian Binarao y Escoro, 29, naasawaan, natibo iti Nabuak, Bicol ngem agnanaed iti Barangay San Jose.

Nakalibas dagiti dadduma pay a kinasugal ni Binarao iti cara y cruz.

Nakakumpiska dagiti polis iti nagsusugalan da Binarao iti P100.00, P20.00, tallo a sag-P5.00, ken dua a sag-P0.25 a naaramat a toss coins.

Iti pannakaisurat daytoy, isagsaganan ti polis ti kaso a panaglabsing iti PD 1602 maikontra ken ni Binarao.#