STA. CATALINA, Ilocos Sur – Maysa a bangkay ti babai ti nasarakan iti pasetna iti kabaybayan ditoy itay nabiit.
Nainaganan ti biktima a ni Classisa Pando, 30, balo, residente iti Nambaran, Sto. Domingo, Ilocos Sur.
Nagsagrap ti biktima iti bagsol iti nadumaduma a paset ti bagina.
Naduktalan ti lamolamo a bangkay ti biktima babaen ken ni Faustino Redoble, residente ti Paratong, Sta. Catalina ket inreportna iti polis.
Binigbig ni Criselda Pando, a kabsatna ti biktima.
Di pay ammo no ania ti motibo iti pammapatay ken kinasiasino dagiti nangisayangkat iti krimen.