Laptop, natakaw iti kotse

VIGAN CITY – Natakaw ti maysa a laptop iti uneg ti kotseĀ  bayat a nakaparking iti laud ti tiendaan publiko ditoy idi Hulio 4.

Inreport ni Gaudelia Florentino Europa, 66, ken residente iti Barangay Tamag ditoy iti polis a natakaw ti laptopna nga Acer, mouse ken charger nga imbatina iti uneg ti kotsena idi napan iti tiendaan publiko ditoy iti agarup alas 11 ti aldaw ti nadakamat a petsa.

Sa la naduktalan ni Florentino nga awan ti laptopna idi masapulna daytoy iti karabianna.

Mapapati a nalipatan ti biktima nga in-lock ti ridaw ti kotse ket linuktan ti di nabigbig a mannibrong bayat ti kaaddana iti tiendaan.#