Lateral canals, marehabilitar

MAGSINGAL, Ilocos Sur – Manamnama ti pannakasolbar ti pannakalaylayus ti paset ti kalsada iti sakup ti Bossaoit Hills ditoy nga ili aglalo no tiempo ti matutudo iti pannakarehabilitar ken pannakapasayaat dagiti lateral canals ditoy.

Nailatangan daytoy a proyekto iti P5,774,436,00 manipud iti pondo ti Department of Public Works and Highways, 1st Engineering District, Ilocos Sur.

Agtultuloy daytoy a proyekto ti DPWH tapno masolbar ti pannakalayus dagiti paset ti national highway ditoy probinsia.

Iti kallabes, dakkel a problema ti trapiko ti Bossaoit Hills gapu iti panagkusukos ti daga ditoy ken iti napigsa nga ayus ti danum iti kalsada.#