LGU Cabugao, naebaluar kas modelo nga LGU iti solid waste management

CABUGAO, Ilocos Sur -Inangay dagiti pannakabagi ti Environment Management Bureau (EMB), Department of Environment and Natural Resources Regional Office 1 (DENR-RO1) ken dagiti pannakabagi ti Department of Health DOH-Rural Health Unit (DOH-RHU) iti Cabugao ti monitoring ken evaluation daytoy nga ili idi Setiembre 3, 2014.

Ti Cabugao Ecology Park, Sitio Baliw, Barangay Quezon ti maysa kadagiti kangrunaan a binisita ti grupo a kinuyog ni Edgar S. Balangatan, AT, MENRO-Designate ti LGU-Cabugao a mamonitor ken maikkan ebaluasion.

Dagiti pay junkshops ken ti Barangay Bonifacio ti nagpokusan ti monitoring ken ebaluasion ti grupo.

Daytoy naigannuat nga aktibidad ket mainaig iti pannakapili ti Cabugao a Model Local Government Unit on Ecological Solid Wastes Management Practices kas maibatay iti sagudayen ti Republic Act 9003 Implementation. # (Web In-Action)