CAOAYAN, Ilocos Su r – Gumatang ti lokal a gobierno iti dakdakkel a motor a maaramat ti kapolisan iti panangbantayda iti kabaybayan a sakup daytoy nga ili.
Kinuna ni COP Edmar Quiton a nupay adda dati a motorboat nga ar-aramaten ti kapolisan ditoy, bassit ti makinana ket saan a makakamat no adda dagiti agiwayat iti illegal a panagkalap iti kabaybayan a sakup daytoy nga ili.
Kinuna ni Quiton a kangrunaan a gapu a kasapulan a gumatang ti lokal a gobierno iti dakdakkel a makina a maikabit iti motorboat tapno malapdan dagiti mangngalap nga agiwayat iti illegal fishing iti ili a Caoayan.
Kinuna ti hepe a maaramat pay daytoy a pagrescue kadagiti mangngalap no adda dagiti maiwawa iti kabaybayan.
Agtultuloy ti nainget a panagsiput ti kapolisan ditoy kadagiti agisaysayangkat iti illegal a panagkalap kas iti panagbongbong.#