Liblibro, naiwaras kadagiti pagadalan

MAGSINGAL, Ilocos Sur – Nagiwaras ti gobierno probinsial kadagiti reading materials para kadagiti agbasbasa iti elementaria ditoy nga ili itay nabiit.

Mismo a ni Gov. Ryan Singson ti nagibunong kadagiti libro kadagiti school heads ken prinsipal para kadagiti agbasbasa iti Grade I agingga iti Grade VI iti pagadalanda.

Naammuan a naiwaras dagiti libro iti simple a programa a naisayangkat iti Magsingal South Central School a maited kadagiti agbasbasa iti 19 nga elementary schools, 3 primaria ken 30 a day care centers.

Mismo nga inimatangan da Mayor Alrico Favis ken kamkameng ti sangguniang bayan ditoy ti pannakaiwaras dagiti libro kadagiti pagadalan ditoy nga ili.

Nagyaman ni Favis ken ni Singson gapu iti adu a proyekto nga impaay ti gobernador iti ilina.#