VIGAN CITY – Inrusat ti provincial government itay Enero 3 ti Direct Voice Broadband Service (DVBS) kas paset ti programana a pannakaiyasideg dagiti overseas Filipino workers kadagiti kameng ti pamiliada.
Kinuna ni Gov. Deogracias Victor Savellano a babaen itoy a programa, maikkan dagiti residente ditoy probinsia iti tallo a minuto a libre a tawag kadagiti kameng ti pamiliada nga adda iti ballasiw taaw.
“Agbalinen a regular daytoy a programatayo manipud alas nuebe iti bigat agingga ti alas kuatro ti malem, Lunes agingga iti Biernes,” kinuna ni Savellano.#
