Libro dagiti day care pupils, naiwaras

CANDON CITY. – Nawarasan iti saggaysa a libro dagiti amin nga agbasbasa iti Day Care Center itay nabiit, daytoy ti naammuan ken ni Alma Gabor, City Social Welfare Development Officer.

Kinunan ni Gabor a naikkan amin iti libro dagiti 1,500 a day care pupils nga agbasbasa iti 48 a Day Care Centers iti Candon City.

Kinunana pay a tinawen a programa daytoy ni Mayor Ericson Singson kas paset ti programana a pannakaital-o ti edukasion iti siudad.

Malaksid iti libro, naiwaras pay kadagiti day care centers dagiti dagiti plato, baso, kutsara ken dadduma pay nga aramaten dagiti agbasbasa iti day care centers.

Naggapu iti DSWD Region 1 dagiti utensils ket mausarda iti supplemental feeding dagiti day care pupils iti daytoy a tawen.#