Linawas a panagtienda, maang-angay iti Vigan City

VIGAN CITY – Nangrugi idi Oktubre 31, linawasen a maang-angay ti panagtienda iti sanguanan ti provincial library ditoy siudad.

Kinuna ni Grace Lapastora, mangidaulo iti Department of Trade and Industry iti probinsia, babaen iti linawas a panagtienda iti sango ti Gregoria Rivera Memorial Library, maital-o dagiti produkto dagiti babassit a puonanda a negosiante iti probinsia nga awan ti puestoda kadagiti pagtagilakuan iti probinsa.

Kinuna ni Lapastora a makatulong met dagitoy babassit a negosiante iti panagdur-as iti probinsia iti panangipromotda kadagiti tagilakoda babaen ti linawas a tienda.

Mangnamnama ni Lapastora nga ad-adu pay a lokal a gobierno ti makipartisipar iti nasao a linawas a panagtienda iti sango ti library.#