Footer

Linteg iti translesion (Maudi a Paset)

Daydiay bicycle, mabalin a bisikleta, ngem, naalas met no trisikleta kunam iti tricycle, ta mas popular met itan daydiay traysikel ngem dayta trisikleta. Isu nga usaren latta no ania dayta nakaisigudan a pannakaibalikas wenno mas popular a makunkuna.

3) Bumulod iti Ingles wenno Kastila nga awan ti sukatan a letra.

Ingles                   Filipino

Villa Cecilia         Villa Cecilia

Baguio City            Baguio City

coke                     coke

varsity                 varsity

 Dandani agpada ti Iluko ken Tagalog ta sumursurot  ti Iluko iti pannakaisurat ken pannakaibalikas ti Tagalog. Daydiay letra “Y” laeng ti nagdumaanda  ta no iti Iluko, agbalin daytoy a letra “I”.

Nupay kasta, addan  sumagmamano a Tagalogista a nangipalladawen iti dayta letra “Y” ket simmurotdan iti letra “I” a kas ken ni Ilokano, ngem ketdi, insublida ti letra V ken F a kas mabasa kadagiti textbook iti kolehio. Atiddog kano ngamin dayta “IY”  isu a nagbalin nga “Y” (abogasiya,  a nagbalin nga abogasya, pangkolehyo manipud iti pangkolehiyo. Ngem kadagiti dadduma a Tagalista, a kas iti nadakamat, isuratda ti abogasia, pantasia, demokrasia.

Iti panangisubli iti V ken F.

 Ehemplo:

 Valyus  (values)

 Ofisina (office)

 Familia (familia)

 Ngem iti Iluko, iti popular a pannakaisurat, no saanna a maipatarus iti bukodna a dila, agtalinaed latta a kas iti pannakaisurat ti bimmulodanna.

 Values

 Opisina

 Pamilia

 Values (narigat nga ipatarus, no adda man bilang, nalaklaka a maawatan ni Ilokano no isurat ken baliksen a saanen a nabaliwan ti pannakaisuratna.

Iti panagsurat ken panagibalikas, ad-adda latta nga agiray iti mas popular ta ad-adda ken nalaklaka a maawatan. Ta awan met laeng ti serbina no saan a maawatan ti naisawang ken narigat a basaen ti naisurat.

Iti Tagalog, naynay iti inda panagtakuat kadagiti bukodda a dila nga aramaten iti inaldaw-aldaw. Ngem agsipud ta nauuneg unay dagiti putar ket di maawatan ti kaadduan, saan a maliklikan ti  panagbulodda iti sabali a lengguahe, saan laeng a ti Ingles ken Kastila no di pay ti Iluko. No dadduma, diak maawatan no Iluko wenno hybrid Iluko. Ngem kadagiti dadduma nga agsuksukisok kadagiti lengguahe ken dialekto, variation  ti pangawagda kadagitoy.

Adtoy ngarud dagiti sumagmamano a binulod ni Tagalog manipud iti Iluko variation ken patneng. Inawaganna daytoy iti Bigkas Lalawiganin.

Patneng

Kampit

Saluyot

Balatong

Karton

Kargada

 Iti Iluko variation . (Manipud iti Cordilleran Iluko wenno iti Bagolandia ken kadagiti agtutubo)

 Madilem – (nasipnget)

 Pigilem  – (lapdam)

Taem wenno taim – (takkim) NOT THE NOUN, no di ket kas regular nga ekspresion, lalona kadagiti agtutubo

Pletem (pasahem, bayadmo)

Dayta suffix nga “em” ken “m” ket nakabilbileg a nagsakayan ni Iluko a nangserrek iti balay ni Tagalog. (Itinto sabali a salaysay.)

Umno ken umiso amin dagiti wagas a panagbulod. Ti kaskenan ket nalawag a mabasa  ken maawatan.##