Livelihood loan assistance, maipaay

STA. CATALINA, Ilocos Sur – Addanton madadaan a pagutangan dagiti opisial ken empleado ti gobierno munisipal ditoy no kasapulanda ti kuarta, daytoy kalpasan a naaprobaran ti resolusion nga indatag ti maysa a konsehal ditoy itay nabiit.

Iti resolusion nga impila ni Konsehal Vic Rafanan, maysa a memorandum of agreement ti sumrekan ti gobierno munisipal ditoy ken ti Land Bank of the Philippines para iti pannakaipaay iti loan facility para iti livelihood a makatulong iti pinansial a kasapulan dagiti opisial ken empleado ditoy nga ili.

Kas maibatay iti resolusion, maikkan iti otoridad ni Mayor Carlos Asuncion a sumrek iti MOA iti nadakamat a bangko para iti pannakaipaay iti nasao a loan facility kadagiti opisial ken empleado.

Addaan interes a 12% ti loan nga ited ti LBP.#