Lokal a gobierno, agpamula iti kape

CERVANTES, Ilocos Sur – Plano ti lokal a gobierno ditoy ti agpamula iti kape iti kabambantayan a paset daytoy nga ili.

Maysa ti kape kadagiti kangrunaan a produkto nga itantandudo ti lokal a gobierno ditoy nga idadauluan ni Mayor Benjamin Maggay.

Kinuna ni Maggay a dakkel a potensial a pamastrekan ti ilina ti kape agsipud ta adda kompania nga aggatang iti daytoy a produkto ket kapaliiwan a bassit gayam ti maap-apit a kape para iti kasapulan ti kompania iti operasionna.

Kinuna ni Maggay a plano ti munisipio a pamulaan ti 1,000 ektaria iti kabambantayan a paset daytoy nga ili.#