Footer

Lote a pakaipatakderan ti district jail, nakiddaw

CABUGAO, Ilocos Sur – Kiniddaw ti Bureau of Jail Management and Penology (BJMP) Regional Office ti panangidonar ti gobierno munisipal ditoy iti lote a pakaipatakderan ti district jail.

Saan a nakurkurang ngem 1,000 square meters ti kalawa ti daga a kiniddaw ti BJMP Regional Office a pakaibangonan ti nasao a district jail.

Kanaig daytoy, kiniddaw ti sangguniang bayan ti pammalubos ti opisina ti mayor para iti pannakaidonar ti nasao a daga iti paset ti Barangay Baclig kas counterpart ti munisipio iti pannakabangon ti nasao a district jail.

Kinuna met ni Konsehal Benedict Savellano a maangayto ti miting ti committee on rules, legal natters ken infrastructure ken konsultasion ken public hearing mainaig iti kiddaw ti BJMP Regional Office.#