BAGUIO CITY – Maysa a Lotto outlet ditoy ti sinerrek dagiti mannanakaw ket kinasakasda ti koleksion a kuarta, tiktiket ken makina.
Segun iti report, natakaw iti nasao a Lotto outlet ti P28,020 a kuarta, tiktiket ken lotto machine.
Naammuan iti inisial nga inbestigasion dagiti polis a nakastrek dagiti mannanakaw iti nasao a pasdek babaen ti panangdadaelda iti kandado ti ridaw.
Naduktalan ti panagtakaw idi mapan aglukat ti kahera iti kabigatanna.#