Footer

Low-cost houses maipatakder

CANDON CITY – Nailunsad ditoy siudad itay nabiit ti maysa a low-cost housing program para kadagiti marigrigat ken informal settlers ditoy siudad.

Impakaammo ni City Administrator Grace Singson a pagtitinnulongan ti National Housing Authority, 2nd Congressional District ti Ilocos Sur ken ti lokal a gobierno ditoy nga ipatakder dagiti low-cost houses a nairanta a para kadagiti awanan balay a marigrigat a residente ken informal settlers iti siudad.

Kinuna ni Singson a napunduan ti proyekto iti P12 million manipud iti NHA ken adda counterpart a pondo manipud ken ni Congressman Eric Owen Singson.

Kinuna met ni City Engr. Steve Martinez a dua nga ektaria ti plano a pakabangonan dagiti housing units a maipatakder iti Barangay Bagani Ubbog ditoy met laeng siudad. (Danny Antalan)