Footer

Lugan, kanayonan nga armas, naisagut iti provincial jail

BANTAY, Ilocos Sur – Lugan ken additional firearms ti inted ti gobierno probinsial babaen ken ni Gov. Ryan Singson ken ni Provincial Warden Raymund Tabios kas sagut iti selebrasion iti umuna nga anibersario ti provincial jail itay nabiit.

Segun ken ni Tabios, dakkel a katulonganda ti naited a lugan agsipud ta iti kallabes ket agpara dagiti provincial guard iti minibus wenno public utility vehicle a paglugananda ken ti eskortanda a balud a mapan agatendar kadagiti hearing iti nadumaduma a korte iti probinsia.

Mainaig kadagiti naited a paltog, kinuna ni Tabios a maited dagitoy kadagiti guardia nga adda itemda.

Aglasat pay nga umuna iti seminar iti gun safety dagiti maikkan iti armas tapno agbalinda a responsible nga agikut iti paltog, kinuna ti provincial warden.

Segun pay ken ni Tabios, inyunay-unay ti gobernador a saan a maiyawid dagiti armas no malpas ti panag-duty dagiti guardia no di ket maibatida.

Babaen iti tulong ni Singson, adda pay kabukbukodan a garden dagiti balud tapno adda pamataudanda iti sidada ken pamastrekanda.

Agdagup iti 27 dagiti guardia iti pagbaludan.#