Lugar a paglakuan iti paputok, naituding

SAN JUAN, Ilocos Sur – Adda naituding a lugar a pagidispleyan ken paglakuan iti paputok ditoy nga ili.

Naammuan ti Tawid News a naituding ti laud nga amianan ti tiendaan publiko ditoy a pagpuestuan dagiti aglako iti iti rebentador,  kuitis ken dadduma pay a paputok.

Naammuan ti Tawid News a saan a mapalubosan dagiti negosiante nga aglako iti paputok no awan ti pammalubosda manipud iti lokal a gobierno ditoy.

Nangipasdek ti lokal a gobierno ditoy iti tent iti naituding a lugar a paggianan dagiti aglako iti paputok  a maaramat iti panangsarabo iti bisperas ti paskua ken baro a tawen.#