Footer

Lying-in clinic, plano a maluktan iti Hulio

CABUGAO, Ilocos Sur – Impakaammo ni  Mayor Edgar S. Cobangbang, Jr. a plano ti munisipio a luktan iti daytoy a bulan ti lying-in clinic a manamnama nga as-asideg ken nalaklaka a pakatamingan dagiti marigrigat a pasiente a residente ditoy nga ili.

Kinuna pay ni Cobangbang a maigatang kadagiti mausar iti lying-in clinic ti Philhealth Capitation Fund daytoy nga ili.

Prioridad a mapataud a mausar ditoy dagiti ramit para iti blood test ken  laboratory   kas  ti  mausar a pangamiris iti blood sugar, cholesterol, urinalysis, ken maikonkonsidera ti pannakagatang ti maysa nga ECG machine.

Naipatakder ti nasao a lying-in clinic babaen ti panangibusbos da Dr. Charlie Sonido, presidente ti Cabugao Sons and Daughters, ken pamiliana kas tulongda kadagiti marigrigat a kailianda ditoy nga ili.#