Maaresto nga akusado, boluntario a simmuko

BANTAY, Ilocos Sur – Boluntario a simmuko iti kapolisan ti maysa nga akusado┬á iti kaso mainaig iti aksidente iti lugan a dinan inuray ti pannakaarestona.

Simmuko iti polis ditoy nga ili idi malem ti Hunio 30 ni Vernel Olivia y Coralde, 44, naasawaan, drayber ti Monheim Distribution, ken residente iti 13 Shaw St. Meralco Village, Palangoy, Binangonan, Rizal kalpasan a nangiyisio ni MTC Judge Bonhoeffer V. Bernardez iti warrant of arrest maikontra kenkuana idi Hunio 14.

Sumangsango ni Olivia iti sala ni Bernardez iti kaso a reckless imprudence resulting to damage to property a naipababaen iti Criminal Case No. 3706.

Temporario a nawayawayaan  ni Olivia kalpasan a nagpiansa iti P30,000.00.#