Footer

Mabuangay opisina ti coordinator

VIGAN CITY- Kiddaw ni Gov. Deogracias Victor “DV” Savellano a mabukel ti posision nga Office of Coordinator iti probinsia tapno nadardaras a maaksionan dagiti kiddaw ken problema dagiti residente iti probinsia kangrunaan dagiti 14 nga upland municipalities.

Segun iti resolusion nga indatag ni Bokala Chuchi Purisima iti session iti Provincial Board, kasapulan unay ti coordinator tapno maikkan iti naan-anay nga atension dagiti nadumaduma nga ili iti gingginget ti bambantay kas iti panagkiddawda kadagiti infrastructure projects, livelihood para iti lugarda.

Agdepende ken ni Savellano ti pannakapili ti coordinator ket agserbi kas co-terminus ti gobernador.

Naipaima ken ni Bokal Ismael Baterina, chairman ti committee on labor, para iti naan-anay a pannakaadalna.