Footer

Madrigal Foundation, nangted libre nga agas, bitamina

ABRA – Nasurok a 500 a marigrigat a pamilia manipud iti innem nga ili ti  nataming ken naikkan iti libre nga agas ken bitamina babaen ti  medical/dental mission nga insayangkat ti gobierno probinsial ken ti MFLM Madrigal Foundation itay Pebrero 4 iti Manabo ditoy.

Napalalo ti yaman ni  Manabo Mayor Masayo Domasing ta napili ti ilina a nakaisayangkatan ti serbisio medikal. Karaman pay kadagiti naserbian ti ili ti Sallapadan, Boliney, Luba, Tubo, ken Dagyuman.

Dinayaw met ni  Abra Governor Eustaquio “Takit” Bersamin ni Ma. Ferl Lalaine Madrigal, CEO ti Madrigal Foundation, ta nupay dua pay laeng a bulan a naam-ammona,  nakapaminduan ti grupo daytoy a nangipaay iti tulong ken serbisio iti Abra.#