Maestro, natay iti aksidente ti lugan

SANTA, Ilocos Sur – Dead on arrival iti ospital a nakaitarayanna ti maysa a mangisursuro kalpasan a dimmungpar iti truck iti igid ti national highway a sakup ti Barangay Sacuyya Sur, ditoy nga ili idi agsapa ti Enero 8.

Saanen a naidanon iti Metro Vigan Cooperative Hospital ti biag ni Jobert Simon y Tabula, 37, naasawaan, maestro, ken residente iti Barangay Manueva, Santa, Ilocos Sur gapu kadagiti sinagrapna a sugat iti nagduduma a paset ti bagina maigapu iti nasao nga aksidente.

Agpaabagatan a direksion ni Simon a nakasakay iti ket idi makadanon iti nadakamat a lugar, kellaat a napukawna ti kontrolna iti manibela ti Honda CBR 150 a motorsiklona a puon iti pannakadungparna iti kutit ti dump truck a nakaparking iti lauden nga abaga ti kalsada.

Nakaro ti dadael ti motorsiklo ti biktima ket naipan iti Santa police station para iti umisu a disposision.#