Footer

Maibiahe a tablon, nakumpiska

SALCEDO, Ilocos Sur –  Saan a nakalusot a maibiahe dagiti naririt a kayo idi nasalamaan dagiti pannakabagi ti linteg ti nakailugananda iti Barangay San Tiburcio, ditoy nga ili.

Tiniliw dagiti polis babaen ti panangidaulo ni Deputy Chief of Police Gil Sidayen ni Dominador Cortez, residente iti Calangcoasan, ditoy nga ili, nagmaneho iti Isuzu Elf truck, addaan iti plaka RDX-985,  idi awan ti maipakitana a  naan-anay a dokumento wenno permiso iti pannakaibiahe dagiti nasao a tablon manipud iti Department of Environment and Natural Resources.

Mapapati nga itulod koma ni Cortez dagiti 104 a pidaso a naririt a kayo kadagiti mapapati a gimmatang a da Joseph Ellazar, residente iti Padaoil, Sta. Cruz, Ilocos Sur ken ni Ruel Galano, residente iti San Tiburcio, Salcedo, Ilocos Sur.

Iti pannakaisurat daytoy, maisagsagan ti darum kontra ken ni Cortez.