CANDON CITY – Rinambakan ti Gunglo Dagiti Mannurat nga Ilocano – Ilocos Sur Chapter ti maika-47 a tawen nga anibersariona idiay Candon City Hall idi Oktubre 4 babaen ti koordinasion da Jerry Malamion ken opisial ti gunglo.
Kangrunaan a bisita ni retirado a hues Vivencio Baclig, agdama a presidente ti GUMIL-Filipinas, a pinadayawan pay ti Gumil-Ilocos Sur gapu iti nagapuananna iti panagsuratan ken iti gunglo.
Karaman pay dagiti naipaayan iti Pelagio Alcantara Award da Solomon Benitez, Arsenio Cortez, Crisostomo Ilustre, ken Danilo Antalan.
Daydi mabigbig a mannurat Pelagio Alcantara nga imbagian ni Djuna Alcantara ti pundador ti nasao a gunglo.#Â