Maika-68 nga anibersariona, sinelebraran ti PRC

VIGAN CITY – Maysa a motorcade iti inyussuat ti Philippine Red Cross kas paset ti panangselebrarna iti Maika-68 a Founding Anniversaryna itay Abril 15.

Nangisayangkat pay ti PRC iti panangidaulo ni Officer In Charge Raymund Chan iti information dissemination mainaig iti disaster risk management.

Kinuna ni Chan nga agtultuloy latta ti blood letting activity ti PRC ditoy tapno adda latta nakasagana a pondo ti dara para iti emerhensia a pagkasapulan.

Nagyaman ni Chan iti tulong ti media iti pannakaiwaragawag dagiti aktibidad ti PRC.#