Mailako a Christmas lights, mamonitor

VIGAN CITY – Monitoren ti maysa a task force dagiti mailako a Christimas lights kadagiti pagtagilakuan tapno malapdan ti pannakailako dagiti nalaka ngem nababa ti kalidadna a dekorasion ti Paskua.

Pagkammayetan ti Department of Trade and Industry ditoy Ilocos Sur ken ti gobierno ti siudad ditoy ti Task Force on Christmas Lights a kangrunaan a panggepna ti pannakasiput dagiti pagtagilakuan ditoy siudad ken dadduma pay nga ili nga agilako iti nalaka ngem saan a natalged a Christmas lights.

Kapaliiwan a tunggal Paskua, agraira dagiti mailako a nalaka a Christmas lights a makagapu iti uram.#