Footer

Maipaspasada a traysikel iti Candon City, mapintaan amin iti amarilio

CANDON CITY – Kinuna ti
mangidadaulo iti trapiko ditoy siudad a nainget nga iyemplementardan
iti daytoy a bulan ti ordinansa a maymaysan ti pinta dagiti traysikel
nga agtartaray iti daytoy a siudad.







Segun ken ni SPO4 Ricardo
Naungayan, mangidadaulo iti implementasion ti trapiko ditoy nga
iyimplementardan ti Ordinance No. 003-03 inton Enero 20 ket
matiliwton dagiti traysikelan a saan nga agtungpal iti nasao a
linteg.

Nainget a
mayimplementaren ti Ordinance No. 003-03, kayatna sawen, mapinturaan
iti amarilio dagiti maipaspasada a traysikel ditoy siudad,” kinuna
ni Naungayan.

Kinuna ni Naungayan nga uray ti
sidecar ti traysikel ket mapinturaan iti amarilio kas reaksionna iti
damag a nagkiddaw dagiti agtraytraysikel iti konsiderasion a sabali
ti pintura ken disenio dagiti side car.

Naammuan ti DZTP a karaman
kadagiti agrirriri dagiti traysikelan nga addaan iti sidecar ken
bumper a sabali ti pintada.

Ngem kinuna ni Naungayan a
mabalinda met a pigketan lattan iti sticker a yellow.

Kinuna ni Naungayan nga
ipakpakatda laeng ti ordinansa a masapul a mapinturaan amin iti
amarilio ti traysikel agraman ti sidecar.

Dua a tawen
a naikkan dagiti traysikelan iti gundaway tapno mapinturaanda ti
luganda ket awan ti rason a dida makatungpal iti ordinansa iti daytoy
a pannakaipakatna,” nakuna ni Naungayan.

Inlawlawag pay
ni Naungayan nga ipakpakatda laeng ti implementasion ti ordinansa a
masapul a 100% nga amarilio dagiti traysikel a maipaspasada iti
siudad.

Kalpasan
ti Enero 20 ket agtiliwkaminton,” imballaag ni Naungayan.#